60                  TESTAMENTS ENREGISTRÉS AU PARLEMENT DE PARIS            (300)
Pour toutes lesqueles choses faire, entériner, executer, acomplir et mettre à execucion et fin deue, le dit testateur fist, nomma et ordonna ses vrays, bons et loyaulx amis executeurs et de foy commissaires, c'est assavoir, monseigneur Pierre de Chamborant, chevalier, son frere, reverend pere en Dieu, monseigneur l'evesque de Saint Flour, qui est à present, Jehan de la Mare, messire Jehan Fevre, prestre, et Jehan du Brueil, tous ensemble, et les deux d'iceulx, dont l'un et le principal soit le dit monseigneur Pierre de Chamborant ou le dit monseigneur l'evesque de Saint Flour; ausquelz ses executeurs le dit testateur a donné et donne plaine puissance et auctorité de cest sien present testament paier, enté­riner, executer et acomplir, et pour ce faire se dessaisy et desvesti es mains des diz notaires de tous ses biens, et volt que ses diz executeurs en feussent et soient vestuz et saisiz, et iceuls ses biens pour ce faire soubzmist à la jurisdicion, eohercion et contrainte de nous, de noz suc­cesseurs prevostz de Paris, et de toutes autres justices, soubz quiju-risdicions ilz seront et pourront estre trouvez, jusques à ce que cest sien present testament soit paié, executé, entériné et acompli; voulant ceste presente ordonnance valoir et tenir par droit de testament, de codicille ou autrement, par la meilleur maniere que valoir devra et pourra, de droit, de us et de coustume, en l'appellant et revoquant tous autres testamens, codicilles ou ordonnances que faiz auroit para­vant la date de ces presentes.
En tesmoing de ce, nous, à la relacion des diz notaires, avons mis à ces lettres le seel de la dicte prevosté de Paris, l'an de grace mil mc iiii" et dix neuf, le dimenche xxne jour dé fevrier.
Signé : Boyleaue. N. le Monier.
Item, s'ensuit la teneur d'une cédule atachée au dit testament, seellée et signée des seel et seing manuel du dit testateur.
Combien qu'il soit contenu en mon testament, dedans lequel ceste cédule est atachée, que mon corps soit mis et enterrez à Nostre Dame des Ternes en l'eveschié de Limoges, je ayme mieulx estre à Chamborant enterré pres de monseigneur mon pere, par ainsi que l'argent qui est